ಒಗ್ಗರಣೆ ಪತ್ರೊಡೆ

  ಪತ್ರೊಡೆ ಎಲ್ಲರೂ ಮಾಡಿರುತ್ತೀರಾ. ಈ special ಪತ್ರೊಡೆ ಬಾಣಲೆಯಲ್ಲಿ ಬೇಯಿಸೋದು.

10-12 ಕಪ್ಪು ದಂಟಿನ ಕೆಸುವಿನ ಎಲೆ, ರಾತ್ರಿ ನೆನೆಸಿಟ್ಟ ಅರ್ಧ ಟೇಬಲ್ ಸ್ಪೂನ್ ಹೆಸರುಕಾಳು, ತುರಿದಿಟ್ಟ ತೆಂಗಿನ ಕಾಯಿ, ಹುರಿದ ಕೆಂಪು ಮೆಣಸು, ಹುಣಸೆ, ಉಪ್ಪು, ಹಿಂಗು.

ಮಸಾಲೆ ರುಬ್ಬಿ, ಎಲೆಗಳಿಗೆ ಸವರಿ, ಸುರುಳಿ ಸುತ್ತಿ.

ಬಾಣಲೆಯಲ್ಲಿ ಅಥವಾ ಕುಕ್ಕರ್ ನಲ್ಲಿ  ತೆಂಗಿನ ಎಣ್ಣೆಯ ಒಗ್ಗರಣೆಯಲ್ಲಿ ಸಾಸಿವೆ, ಕರಿಬೇವು, ಮೆಂತೆ ಹಿಂಗು...ಇದರಲ್ಲಿ ಸುರುಳಿ ಸುತ್ತಿಟ್ಟ ಪತ್ರೊಡೆ ಇತ್ತು, ಮಿಕ್ಸಿ ತೊಳೆದ ನೀರನ್ನು ಸುರಿದು, ಹತ್ತು ನಿಮಿಷ ಮುಚ್ಚಿಟ್ಟು ಬೇಯಿಸಿ.

ಎರಡು ತುತ್ತು ಹೆಚ್ಚಿಗೆ ಉಣ್ಣಬಹುದು. ನನ್ನ ಇಷ್ಟದ್ದು. ಮುಂಬೈ ನಲ್ಲಿ ಅಮ್ಮ ಆವಾಗವಾಗ ಮಾಡುತ್ತಿದ್ದರು.  36 ವರ್ಷಗಳ ನಂತರ ಮಾಡಿ ತಿಂದಿದ್ದು. ಮಗಳು ತಿಂದು 'ಎಷ್ಟು ರುಚಿಯಾಗಿದೆ, ಇವತ್ತಿನ ವರೆಗೂ ಮಾಡೇ ಇರಲಿಲ್ಲ' ಅಂತ ಹುಸಿ ಕೋಪ ಮಾಡಿಕೊಂಡಳು 😁😁

for step by step instructions click below

ಒಗ್ಗರಣೆ ಪತ್ರೊಡೆ/ಫಣ್ಣ ಪತ್ರಡೋ

ಜೋಳದ ಹಿಟ್ಟಿನ ದೋಸೆ

  ನನ್ನ ತಿರುಗಾಟ ಸ್ವಲ್ಪ ಜಾಸ್ತಿ ಆಗಿದೆ. 😁.ಮೊನ್ನೆ ಡ್ರಮ್ ನಲ್ಲಿ ಒಂದು ಪೊಟ್ಟಣ ಜೋಳದ ಹಿಟ್ಟು ನೋಡಿದೆ. ಅದು ಹಾಳಾಗುವ ಮುಂಚೆ ಉಪಯೋಗಿಸಬೇಕು ಅಂದು ಕೊಂಡೆ.

ಒಂದರ್ಧ ಗ್ಲಾಸ್ ಉದ್ದಿನ ಬೇಳೆ

ಅರ್ಧ ಗ್ಲಾಸ್ ಕೆಂಪಕ್ಕಿ

2 ಗಂಟೆ ನೆನೆ ಹಾಕಿದೆ.

ನುಣ್ಣಗೆ ರುಬ್ಬಿ ಅದಕ್ಕೆ ಮೂರು ಗ್ಲಾಸ್ ಜೋಳದ ಹಿಟ್ಟು ಸೇರಿಸಿ ಪುನಃ ಮಿಕ್ಸಿ ಹಾಕಿದೆ.

ಉಪ್ಪು ಬೆರೆಸಿಟ್ಟೇ. 8 ಗಂಟೆಯ ನಂತರ ಒಳ್ಳೆಯ ಹುದುಗೂ ಬಂದಿತ್ತು

ರುಚಿ ರುಚಿಯಾದ ದೋಸೆ ತಯಾರಾಯಿತು. 👍❤️. ಎಷ್ಟು ರುಚಿಯಾಗಿತ್ತು ಅಂದ್ರೆ ರಾತ್ರಿಗೂ ಅದೇ ತಿಂದ್ವಿ...

ಶ್ರೀ ರಾಮನವಮಿ..ಪಾನಕ ಕೋಸಂಬರಿ

 

ರಾಮ ನವಮಿ ಬೇಸಿಗೆಯಲ್ಲಿ ಬರುವುದು. ದೇಹ ತಂಪಾಗಿರಿಸಲು ಪಾನಕ ಮತ್ತು ಕೋಸಂಬರಿ ಮಾಡುತ್ತೇವೆ. 

ಪಾನಕ:

ನೀರು, ಬೆಲ್ಲ, ನಿಂಬೆ ಹಣ್ಣು, ಶುಂಠಿ, ಕರಿಮೆಣಸಿನ ಕಾಳು, ಏಲಕ್ಕಿ.

 ನೀರಲ್ಲಿ ಬೆಲ್ಲ ಹಾಕಿಡಿ. ಕರಗಿದ ಮೇಲೆ ಸೋಸಿಡಿ.

ಇದಕ್ಕೆ ಕುಟ್ಟಿದ ಏಲಕ್ಕಿ, ಕರಿಮೆಣಸಿನ ಕಾಳು ಮತ್ತು ಶುಂಠಿ ಜಜ್ಜಿ ಹಾಕಿ. 

ನಿಂಬೆ ರಸ ಬೆರೆಸಿ.

ಪಾನಕ ರೆಡಿ. 

ಕೋಸಂಬರಿ:

ಚೆನ್ನಾಗಿ ತೊಳೆದು, ಎರಡು ಗಂಟೆ ನೀರಲ್ಲಿ ನೆನೆಸಿಟ್ಟ ಹೆಸರು ಬೇಳೆ

ತುರಿದ ಹಸಿ ಮಾವಿನಕಾಯಿ + ಸೌತೆ ಕಾಯಿ, ಸಣ್ಣಕ್ಕೆ ಕತ್ತರಿಸಿದ ಹಸಿ ಮೆಣಸಿನ ಕಾಯಿ

ಒಗ್ಗರಣೆಗೆ : ಎಣ್ಣೆ ಸಾಸಿವೆ ಕರಿಬೇವು ಹಿಂಗು

ತುರಿದ ತಾಜಾ ತೆಂಗಿನಕಾಯಿ + ಕೊತ್ತಂಬರಿ ಸೊಪ್ಪು

ಉಪ್ಪು

ಎಲ್ಲವನ್ನು ಚೆನ್ನಾಗಿ ಮಿಕ್ಸ್ ಮಾಡಿ ಒಗ್ಗರಣೆ ಹಾಕಿ, ಮೇಲೆ ಕಾಯಿ ತುರಿ, ಕೊತ್ತಂಬರಿ ಸೊಪ್ಪು ಉದುರಿಸಿ

ಅಷ್ಟೇ...😀😀

ಐಸ್ದ ಟೀ / iced tea

 

make normal tea without milk. once it cools down add sugar and lemon juice and ice cubes. give it a good shake in a mixer jar or shaker..transfer to bigger glass. top with mint leaves and serve 👍👍

ಎಳೆ ಗೇರು ಬೀಜದ ಪಲ್ಯ

 ಬೇಸಿಗೆ ಅಂದ್ರೆ ಗೇರು ಹಣ್ಣುಗಳು. ಈ ಸಲ ನಮ್ಮ ತೀರ್ಥಹಳ್ಳಿಯ ತೋಟದಲ್ಲಿ ಗೇರು ಹಣ್ಣಿನ ಸುಗ್ಗಿ. ಹಣ್ಣಾಗುವ ಮುಂಚೆ ಗೇರು ಬೀಜ ತೆಗೆದ್ರೆ ಅದೇ ಎಳೆ ಗೇರು ಬೀಜ. ತುಂಬಾ ರುಚಿಯಾಗುರುತ್ತೆ.

          ನಮಗೆ ಪೂರಿ ಜತೆ ಈ ಪಲ್ಯ ಇಷ್ಟ

ಬಿಸಿ ಎಣ್ಣೆಯಲ್ಲಿ ಸಾಸಿವೆ, ಕರಿಬೇವು, ಹಸಿ ಮೆಣಸಿನಕಾಯಿ, ಒಣ ಮೆಣಸಿನಕಾಯಿ ಹಿಂಗು ಒಗ್ಗರಣೆ ಆದಮೇಲೆ ಇದಕ್ಕೆ ಗೇರು ಬೀಜ ಹಾಕಿ, ಉಪ್ಪು, ಸ್ವಲ್ಪವೇ ನೀರು ಹಾಕಿ ಬೆಯ್ಸಿ. ಬೇಕಿದ್ದಲ್ಲಿ  ಚೂರು ಬೆಲ್ಲ ಸೇರಿಸಬಹುದು.

ಕೊನೆಗೆ ತಾಜಾ ತೆಂಗಿನ ತುರಿ ಬೆರೆಸಿ. ಉಪ್ಕರಿ/ಪಲ್ಯ ತಯಾರು 👍👍❤️

ಬಿಸಿ ನೀರಸಾರು

 aka ನಿಂಬೆ ಹಣ್ಣಿನ ಸಾರು. ಎರಡು ತುತ್ತು ಹೆಚ್ಚಿಗೆ ಉಂಡು ನನ್ನ ಬೈ ಬೇಡಿ ಮತ್ತೆ 😀❤️

ತುಂಬಾ ಸರಳ ಮಾಡುವ ವಿಧಾನ. ರುಚಿ.ಕೂಡ...ಒಳ್ಳೆ ಪರಿಮಳಯುಕ್ತ ನಿಂಬೆ ಬೇಕೇ ಬೇಕು....
ಸಾಸಿವೆ, ಜೀರಿಗೆ ,ಕರಿಬೇವು, ಹಿಂಗು, ಹಸಿ ಮೆಣಸು, ಒಣ ಮೆಣಸು - ತುಪ್ಪದಲ್ಲಿ ಒಗ್ಗರಣೆ,ಉಪ್ಪು, ಹೌದೋ ಅಲ್ಲವೋ ಬೆಲ್ಲ. ಎರಡು ಗ್ಲಾಸ್ ನೀರು ಹಾಕಿ ಕುದಿಸುವುದು. ಊಟಕ್ಕೆ ಮುಂಚೆ ಈ ಸಾರಿಗೆ ನಿಂಬೆ ಹಣ್ಣಿನ ರಸ ಹಿಂಡುವುದು.