ಸುವರ್ಣ ಗೆಡ್ಡೆ ಕೂಟು

ಒಂದು ಚಿಕ್ಕ ತುಂಡು ಸುವರ್ಣಗೆಡ್ಡೆ, ಕರಿಯಲಿಕ್ಕೆ ಎಣ್ಣೆ, ಕಾಯಿ ತುರಿ, ಹುರಿದ ಕೆಂಪು ಮೆಣಸು, ಹುಣಸೆ ಹುಳಿ, ಸಾಸಿವೆ, ಹಿಂಗು, ಮೆಂತೆ, ಕರಿಬೇವು ಉಪ್ಪು

ಸುವರ್ಣಗಡ್ಡೆಯನ್ನು ಚಿಕ್ಕದಾಗಿ ಕತ್ತರಿಸಿ. 10 ನಿಮಿಷ ಉಪ್ಪು ಹಚ್ಚಿಡಿ. ನೀರು ಬಿಡುತ್ತೆ. ನೀರೆಲ್ಲ ಹಿಂಡಿ ಒಂದು ತೆಳು ಬಟ್ಟೆ ಮೇಲೆ ಪಸರಿಸಿ. ನೀರು ಆವಿಯಾದ ಮೇಲೆ ಎಣ್ಣೆಯಲ್ಲಿ ಕರಿಯಿರಿ. ಒಳ್ಳೆ ಬಿಸ್ಕಿಟ್ ತರ ಕುರ್ ಮುರಿ ಆಗುತ್ತೆ. ಇದನ್ನು ಗಾಳಿಯಾಡದ ಡಬ್ಬಿಯಲ್ಲಿ ಹಾಕಿ ಸ್ಟೋರ್ ಮಾಡಬಹುದು. 

ಕೂಟು ಮಾಡಲು: ಸ್ವಲ್ಪ ಎಣ್ಣೆಯಲ್ಲಿ ಸಾಸಿವೆ, ಹಿಂಗು ಮೆಂತೆ ಹುರಿದಿಡಿ. ಎರಡು ದೊಡ್ಡ ಚಮಚ ತೆಂಗಿನ ತುರಿ, ಸಣ್ಣದೊಂದು ಹುಣಸೆ ಹುಳಿ, ಕೆಂಪು ಮೆಣಸು, ಹುರಿದ ಸಾಮಗ್ರಿ ಎಲ್ಲವನ್ನೂ ನುಣ್ಣಗೆ ರುಬ್ಬಿ. ಉಪ್ಪು ಹಾಕಿ. ಸ್ವಲ್ಪ ನೀರು ಬೆರೆಸಿ ಕುದಿಯಲು ಬಿಡಿ. ಸಾಸಿವೆ ಕರಿಬೇವಿನ ಒಗ್ಗರಣೆ ಹಾಕಿ.  ಬಡಿಸುವ ಸ್ವಲ್ಪ ಮುಂಚೆ ಹುರಿದಿಟ್ಟ ಸುವರ್ಣಗೆಡ್ಡೆ ಚೂರುಗಳನ್ನು ಬೆರೆಸಿ.

ಚಟ್ನಿ ಹದಕ್ಕೆ ಮಾಡಿ. ಈ ಚಿತ್ರದಲ್ಲಿನ ಕೂಟು ಸ್ವಲ್ಪ ಡ್ರೈ ಮಾಡಿದ್ದೇನೆ. ಲಂಚ್ ಬಾಕ್ಸ್ ನಲ್ಲಿ ಹಾಕಲು ಮಾಡಿದ್ದು.