ಕ್ರಿಸ್ಪಿ ಬೆಂಡೆಕಾಯಿ

ಬೆಂಡೆಕಾಯಿಯನ್ನು ತೊಳೆದು, ಒರೆಸಿ, ಮೂರು ಭಾಗಗಳಾಗಿ ಕಟ್ ಮಾಡಿ. ಸ್ವಲ್ಪ ಮಜ್ಜಿಗೆಗೆ ಉಪ್ಪು, ಕಾಳುಮೆಣಸಿನ ಪುಡಿ, ಕೆಂಪು ಮೆಣಸಿನ ಪುಡಿ,  ಹಿಂಗು ಹಾಕಿ. ಇದರಲ್ಲಿ ಬೆಂಡೆಕಾಯಿಗಳನ್ನು ಮ್ಯಾರಿನೇಡ್ ಮಾಡಿ. ಅರ್ಧ ಗಂಟೆ ಪಕ್ಕಕ್ಕಿಡಿ. ಊಟಕ್ಕೆ ಅರ್ಧ ಗಂಟೆ ಮೊದಲು ಇದನ್ನು ತಯಾರಿಸಿದರೆ ಆಯ್ತು. ಸ್ವಲ್ಪ ಓಟ್ಸ್ ಅನ್ನು ಮಿಕ್ಸಿಯಲ್ಲಿ ಹಾಕಿ ರವೆ ತರಹದ ಪುಡಿ ಮಾಡಿ. ಇದಕ್ಕೆ ಸ್ವಲ್ಪ ಮೈದಾ ಬೆರೆಸಿ. ಮ್ಯಾರಿನೇಡ್ ಮಾಡಿಡ ಬೆಂಡೆ ಗಳನ್ನು ಈ ಮಿಕ್ಸ್ ನಲ್ಲಿ ಹೊರಳಿಸಿ ಕಾದ ಎಣ್ಣೆಯಲ್ಲಿ ಡೀಪ್ ಫ್ರೈ ಮಾಡಿ. ನನ್ನ ಮಗಳು ಮಾಲವಿಕಾಳ ರೆಸಿಪಿ. ನಮಗೆಲ್ಲ ತುಂಬಾ ಇಷ್ಟ ಆಯ್ತು. ಈಗ ನಿಮ್ಮ ಸರದಿ.

ಎಂಜಾಯ್
:-)

ಚಳಿಗಾಲಕ್ಕೆ ಒಂದು wholesome ಸೂಪ್

ಬೇಕಾಗುವುದು : ಸಿಹಿಕುಂಬಳಕಾಯಿ, ಟೊಮ್ಯಾಟೋ, ಆಲೂಗಡ್ಡೆ, ಸಣ್ಣ ನೀರುಳ್ಳಿ, ಸ್ವಲ್ಪ ಬೆಣ್ಣೆ, ಕಾಳು ಮೆಣಸು, ಅನ್ನ ಬಸಿದ ನೀರು(ಗಂಜಿ)

(ನಮ್ಮ ಮನೆಯಲ್ಲಿ ನಾನು ಬಸಿದು ಅನ್ನ ಮಾಡುವುದು. ನೀವು ನೀರು ಬಳಸಬಹುದು)

ತರಕಾರಿ ಎಲ್ಲವನ್ನೂ ಚಿಕ್ಕದಾಗಿ ಹೆಚ್ಚಿಟ್ಟುಕೊಳ್ಳಿ. ನೀರುಳ್ಳಿ ಸಹ

ಒಂದು ಚಮಚ ಬೆಣ್ಣೆಯಲ್ಲಿ ಮೊದಲು ನೀರುಳ್ಳಿಯನ್ನು ಕೆಂಪಗೆ ಹುರಿದುಕೊಳ್ಳಿ. ಇದಕ್ಕೆ ಸಿಹಿಕುಂಬಳ, ಟೊಮ್ಯಾಟೊ ಮತ್ತು ಆಲೂಗಡ್ಡೆ ಹಾಕಿ ಕೈಯಾಡಿಸಿ. ಅನ್ನ ಬಸಿದ ನೀರು ಸೇರಿಸಿ ಬೇಯಿಸಿ. ತಣ್ಣಗಾದ ಮೇಲೆ ಬ್ಲೆಂಡರ್ ನಲ್ಲಿ ಹಾಕಿ ನುಣ್ಣಗೆ ರುಬ್ಬಿ. ಉಪ್ಪು, ಚಿಟಿಕೆ ಸಕ್ಕರೆ ಬೆರೆಸಿ. ನಿಮಗೆ ಎಷ್ಟು ಬೇಕು ಅಷ್ಟು ಗಂಜಿ ಸೇರಿಸಿ ತೆಳ್ಳಗೆ ಮಾಡಿ. ಮೇಲಿನಿಂದ ಕಾಳುಮೆಣಸಿನ ಪುಡಿ ಉದುರಿಸಿ. ಆಲೂ ಗಡ್ಡೆ ಇರುವುದರಿಂದ ಹೊಟ್ಟೆ ಫುಲ್ ಆಗತ್ತೆ. ಮತ್ತು ಚಳಿಗಾಳದಲ್ಲಿ ನೀರಿನ intake ಕಡಿಮೆಯಿರುತ್ತೆ. ಮಕ್ಕಳಿಗೆ ಎಲ್ಲ liquid form ನಲ್ಲಿ ಈ ಹೆಲ್ತಿ ಸೂಪ್ ಒಳಸೇರುತ್ತೆ. ಬೇಕಾದರೆ ಹಾಲಿನ ಕ್ರೀಮ್ ಸೇರಿಸಿ. 

(ಗಂಜಿಗೆ ತುಪ್ಪ ಮತ್ತು ಉಪ್ಪು ಸೇರಿಸಿ ಕುಡಿಯುವುದೂ ಒಂದು ಒಳ್ಳೆಯ ಉಪಾಯ. ಬೇಕಿದ್ದಲ್ಲಿ ಸ್ವಲ್ಪ ಕಾಳುಮೆಣ್ಸಿನ ಪುಡಿ ಸೇರಿಸಿದ್ರೆ, ಶೀತ ಕೆಮ್ಮು ಇರಲ್ಲ. ಚಳಿಗಾಲದಲ್ಲಿ ಕೆಲವರಿಗೆ constipation ಆಗತ್ತೆ. ಆಗ ಈ ಗಂಜಿ ಸಖತ್ ಒಳ್ಳೆಯ ಉಪಾಯ.

ಎಂಜಾಯ್

:-)

ಮಿಕ್ಸ್ ವೆಜಿಟೇಬಲ್ ಸ್ಟರ್ ಫ್ರೈ

ಬೇಕಾಗುವ ತರಕಾರಿಗಳು : ಕ್ಯಾಬೇಜ್, ಬೀನ್ಸ್, ದೊಣ್ಣ (ದಪ್ಪ) ಮೆಣಸಿನಕಾಯಿ, ಕ್ಯಾರೆಟ್ 
ಒಗ್ಗರಣೆಗೆ : ಎಣ್ಣೆ, ಸಾಸಿವೆ, ಜೀರಿಗೆ, ಉದ್ದಿನಬೆಳೆ, ಕೆಂಪು ಮೆಣಸು 

ತರಕಾರಿಗಳನ್ನು ಚೆನ್ನಾಗಿ ತೊಳೆದು ಚಿಕ್ಕದಾಗಿ ಹೆಚ್ಚಿಡಿ. 

ನಾನ್ ಸ್ಟಿಕ್ ಬಾಣಲೆಯಲ್ಲಿ ಸ್ವಲ್ಪ ಹೆಚ್ಚೇ ಎಣ್ಣೆ ಒಗ್ಗರಣೆಗೆ ಇಡಿ. ಎಣ್ಣೆ ಬಿಸಿಯಾದೊಡನೆ ಕ್ರಮಾವಾಗಿ ಉದ್ದಿನ ಬೇಳೆ, ಸಾಸಿವೆ, ಜೀರಿಗೆ, ಕೆಂಪು ಮೆಣಸು ಹಾಕಿ. ಮೊದಲಿಗೆ ದೊಣ್ಣ ಮೆಣಸಿನಕಾಯಿ ಹಾಕಿ ಕೈಯಾಡಿಸಿ, ನಂತರ ಉಳಿದ ತರಕಾರಿ, ಉಪ್ಪು ಹಾಕಿ ದೊಡ್ಡ ಉರಿಯಲ್ಲಿ  ಇಟ್ಟು ಕೈಯಾಡಿಸ್ತಾ ಇರಿ. ನಂತರ ಉರಿ ಸಣ್ಣ ಮಾಡಿ ಬಾವಡಿಯಿಂದ  ಮುಚ್ಚಿಐದು ನಿಮಿಷ ಬೇಯಿಸಿ. ತರಕಾರಿ ಕ್ರಿಸ್ಪ್ ಆಗಿರಬೇಕು. ನೀರು ಹಾಕ  ಬೇಡಿ. 

ಚಪಾತಿ ಮೊಸರನ್ನ್ನಕ್ಕೆ ಒಳ್ಳೆಯ ಸಾಥ್. ಬಣ್ಣ ಬಣ್ಣವಾಗಿರುವುದರಿಂದ ಮಕ್ಕಳಿಗೂ ಇದು ಇಷ್ಟ ಆಗುತ್ತೆ. 

ಮಿಶ್ರ ತರಕಾರಿ ಪಲ್ಯ ರೆಡಿ 

konkani dhokla/steamed pizza

ಬೇಕ್ಕಾಗುವ ಸಾಮಗ್ರಿ

ಹಿಂದಿನ ದಿನದ ಇಡ್ಲಿ ಹಿಟ್ಟು, ಹಸಿಮೆಣಸಿನಕಾಯಿ, ಶುಂಠಿ, ಒಗ್ಗರಣೆಗೆ ಎಣ್ಣೆ, ಉದ್ದಿನ ಬೆಳೆ, ಸಾಸಿವೆ, ಕರಿಬೇವು, ಮೆಂತೆ , ಕೆಂಪು ಮೆಣಸು, ತುರಿದ ಕ್ಯಾರೆಟ್

ಮೊದಲಿಗೆ ಹಸಿಮೆಣಸಿನ ಕಾಯಿ+ ಶುಂಠಿ ಪೇಸ್ಟ್ ಅನ್ನು ಹಿಟ್ಟಿಗೆ ಮಿಕ್ಸ್ ಮಾಡಿ.

ಒಗ್ಗರಣೆಗೆ ಇಡಿ. ಒಗ್ಗರಣೆಯನ್ನು ಅಗಲ (ಇಡ್ಲಿ ಹಬೆಪಾತ್ರೆಅಯ್ಲ್ಲಿ ಹಿಡಿಯುವ ಸೈಜ್) ಪಾರೆಗೆ ಸುರಿಯಿರಿ. ಅದರ ಮೇಲೆ ಕ್ಯಾರೆಟ್ ತುರಿದು ಹಾಕಿ. ಕೊತ್ತಂಬರಿ ಸೊಪ್ಪು ಕಟ್ ಮಾಡಿ ಹಾಕಿ. ಕೊನೆಗೆ ಇಡ್ಲಿ ಹಿಟ್ಟನ್ನು ಸುರಿಯಿರಿ. ಹಬೆ ಪಾತ್ರೆಅಯಲ್ಲಿ 15-20 ನಿಮಿಷ ಸ್ಟೀಮ್ ಮಾಡಿ ..ನಿಮಗೆ ಬೇಕಾದ ಹೆಸರು ಇಡಿ. ಬೆಣ್ಣೆ, ಚಟ್ನಿ ಯೊಂದಿಗೆ ಸರ್ವ ಮಾಡಿ.
ನಿಮ್ಮದೇ ವರ್ಶನ್ ಕೂಡ ಮಾಡ ಬಹುದು.
:-)

ಸಿಹಿಕುಂಬಳಕಾಯಿ/ಚಿನಿಕಾಯಿ/Pumpkin ಸೂಪ್

ಚಳಿಗಾಲ ಅಂಬೆಗಾಲಿಡುತ್ತ ಬರುತ್ತಾ ಇದೆ. ಚಳಿಯನ್ನು ಓಡಿಸಲು ಬಿಸಿ ಬಿಸಿ ಸೂಪ್ ಸೂಪರ್ ಆಗಿರುತ್ತೆ. ಮಾಮೂಲಿ ಟೊಮ್ಯಾಟೊ, ಸ್ವೀಟ್ ಕಾರ್ನ್ ಸೂಪ್ ಗಿಂತ ಭಿನ್ನವಾದದನ ಟ್ರೈ ಮಾಡುವ ಅಂತ ಇದನ್ನ ಮಾಡಿದೆ. ಇಟ್ ವಾಸ್ ಎ ಹಿಟ್. 

 ಬೇಕಾಗುವ ಸಾಮಗ್ರಿ : ಹದ ಗಾತ್ರದ ಸಿಹಿಗುಂಬಳ, ಒಂದು ಟೊಮ್ಯಾಟೊ , ಒಂದು ಅಥವಾ ಎರಡು ಕ್ಯಾರಟ್ ಒಂದು ಚಮಚ ಬೆಣ್ಣೆ, ತಾಜಾ ಕುಟ್ಟಿದ ಕರಿಮೆಣಸು, ಉಪ್ಪು ಸಕ್ಕರೆ. (ಕ್ರೀಮ್ ಬೇಕಾದರೆ ಮಾತ್ರ )

ಕುಂಬಳಕಾಯಿ, ಕ್ಯಾರೆಟ್ ಮತ್ತು ಟೊಮ್ಯಾಟೊ ಹೋಳು ಮಾಡಿ . ಬಾಣಲೆಯಲ್ಲಿ ಒಂದು ಚಮಚ ಬೆಣ್ಣೆ ಬಿಸಿ ಮಾಡಿ (ನಾನು ಈಗಷ್ಟೆ ಬೆಣ್ಣೆ ಕಾಸಿ ತುಪ್ಪ ಮಾಡಿದೆ. ಹಾಗಾಗಿ ಆ ಬಾಣಲೆಯಲ್ಲೆ )ಹೋಳುಗಳನ್ನು ಹಾಕಿ  ಎರಡು ನಿಮಿಷ ಕೈಯಾಡಿಸಿ. ಇದಕ್ಕೆ ಸ್ವಲ್ಪ ನೀರು ಹಾಕಿ ಬೇಯಲು ಬಿಡಿ. ಚೆನ್ನಾಗಿ ಬೆಂದ ನಂತರ ಉಪ್ಪು ಚಿಟಿಕೆ  ಸಕ್ಕರೆ ಹಾಕಿ. ಸ್ವಲ್ಪ ತಣ್ಣಗಾದ ನಂತರ ಬ್ಲೆಂಡರ್ ಅಥವಾ ಮಿಕ್ಷಿ ನಲ್ಲಿ ನುಣ್ಣಗೆ ರುಬ್ಬಿ. ಸೂಪ್ ನ ಹದಕ್ಕೆ  ಬೇಕಾದಷ್ಟು ನೀರು ಬೆರೆಸಿ . ಕುದಿಸಿ. ತಾಜಾ ಕುಟ್ಟಿದ ಕರಿಮೆಣಸು ಹಾಕಿ ಬಿಸಿ ಬಿಸಿ ಸರ್ವ ಮಾಡಿ. (ಬೇಕಾದರೆ ಕ್ರೀಮ್ ಬೆರೆಸಿ )

ಎಂಜಾಯ್ :-) 

ಫ್ರುಟ್ ಜಿಲೇಬಿ

ಸುಲಭದಲ್ಲಿ ತಯಾರು ಮಾಡಲು: ಒಂದು ಪ್ಯಾಕೆಟ್ MTR ಜಿಲೇಬಿ ಮಿಕ್ಸ್. ಸೇಬು, ಅನಾನಸು, ಸಪ್ಪರ್ಚನ್, ಪಪಯಾ ಮುಂತಾದ ಹಣ್ಣು, ನಿಮಗೆ ಬೇಕಾದ ಆಕಾರದಲ್ಲಿ ಹಣ್ಣುಗಳನ್ನು ಕಟ್ ಮಾಡಿ.
ಪ್ಯಾಕೆಟ್ ಮೇಲಿನ instructions follow ಮಾಡಿ ಜಿಲೇಬಿಯ ಹಿಟ್ಟು ತಯಾರು ಮಾಡಿ. ಹಣ್ಣುಗಳನ್ನು ಮುಳುಗಿಸಿ ಎಣ್ಣೆಯಲ್ಲಿ ಕರಿಯಿರಿ.
ಸಕ್ಕರೆಯ ಒಂದೆಳೆ ಪಾಕ ಮಾಡಿ ಅದಕ್ಕೆ ಲಿಂಬೆ ಹಣ್ಣಿನ ರಸ ಹಿಂಡಿ. ಕರಿದ ಜಿಲೇಬಿಯನ್ನು ಇದರಲ್ಲಿ ಎರಡು ನಿಮಿಷ ಇಟ್ಟು ಬೇರೆ ಪಾತ್ರೆಗೆ ಹಾಕಿ.
ಹಾಲಿನ ಬಾಸುಂದಿ ಜತೆ ಇದನ್ನು ಸರ್ವ ಮಾಡಿ.

ಜಿಲೇಬಿಯ batter
ಮೈದಾ - 2 ಬಟ್ಟಲು
ದಪ್ಪ ಮೊಸರು - 2 ಬಟ್ಟಲು
(ಬೇಕಿದ್ದರೆ corn flour/ ಆರಾರೂಟ್ ಪೌಡರ್ )
ಹಿಂದಿನ ರಾತ್ರಿ ಮೈದಾಗೆ ಒಂದು ಬಟ್ಟಲು ಮೊಸರು ಸೇರಿಸಿ ಗಂಟುಗಳು ಇರದಂತೆ ಚೆನ್ನಾಗಿ ಮಿಕ್ಸ್ ಮಾಡಿಡಿ . ಮರುದಿನ ಉಳಿದ ಮೊಸರು ಬೆರೆಸಿ . ದೋಸೆ ಹಿಟ್ಟಿಗಿಂದ ಸ್ವಲ್ಪ ದಪ್ಪಗಿರಲಿ. ಬೇಕಾದರೆ ಮಾತ್ರ ನೀರು ಬೆರೆಸಿ. ಸ್ವಲ್ಪ ಕಾರ್ನ್ಫ್ಲೋರ್ ಅಥವಾ ಆರಾರೂಟ್ ಪೌಡರ್ ಮಿಕ್ಸ್ ಮಾಡಿ.
ಸಕ್ಕರೆ ಪಾಕಕ್ಕೆ: ಎರಡು ಬಟ್ಟಲು ಸಕ್ಕರೆಗೆ ಎರಡು ಬಟ್ಟಲು ನೀರು . ಒಂದೆಳೆ ಪಾಕ.

ಗೋದಿ ಮಣ್ಣಿ / ಹಾಲುಬಾಯಿ

2 ಬಟ್ಟಲು ಗೋದಿ ಹಿಟು (ಗೋದಿ ನೆನೆಸಿಟ್ಟು ಮರುದಿನ ರುಬ್ಬಿ ಕೂಡ ಮಾಡಬಹುದು. ನನ್ನದು short cut method. 2ವರೆ ಬಟ್ಟಲು ತೆಳು ಬೆಲ್ಲ. ಏಲಕ್ಕಿ, ಒಂದು ತೆಂಗಿನಕಾಯಿಯ ಹಾಲು . ಪಾತ್ರೆಗೆ ಸವರಲು ಸ್ವಲ್ಪ ತುಪ್ಪ.

ರಾತ್ರಿ ಗೋದಿ ಹಿಟ್ಟಿಗೆ ನೀರು ಬೆರೆಸಿ ಇಡಿ. ಬೆಳಿಗ್ಗೆ ಆ ನೀರನ್ನು ಬಸಿದು, ಕೆಳಗಡೆ ಉಳಿದಂತಹ ಮಿಶ್ರಣವನ್ನು , ಅಬಟ್ಟೆಯನ್ನು ಕಟ್ಟಿದ ಅಗಲ ಪಾತ್ರೆಅಯ್ಲ್ಲಿ ಹಾಕಿ. ನಿಮ್ಮ ಕೆಲಸ ಬೊಗಸೆ ಮುಗಿಯುವಷ್ಟರಲ್ಲಿ ಗೋದಿ ಚರಟ ಮೇಲೆ ಉಳಿದು, ಹಾಲಿನಂತಹ ಮಿಶ್ರಣ ಪಾತ್ರೆಅಯ್ಲ್ಲಿ ಇರುತ್ತೆ. ಇದನ್ನು ದಪ್ಪ ತಳದ ಪಾತ್ರೆಗೆ ವರ್ಗಾಯಿಸಿ. ಇದಕ್ಕೆ ತೆಂಗಿನ ಹಾಲು, ತೆಳು ಬೆಲ್ಲ ಬೆರೆಸಿ ಒಲೆಯ ಮೇಲಿಡಿ. (ಬೆಲ್ಲ ಪುಡಿ ಮಾಡಿ ಹಾಕುವುದಿದ್ದರೆ ಟೆಸ್ಟ್ ನೋಡಿ  ಬೇಕಾದಷ್ಟು ಬೆಲ್ಲ ಬೆರೆಸಿ. ತೆಳು ಬೆಲ್ಲ ಸ್ವಲ್ಪ ಹೆಚ್ಚೇ ಸಿಹಿಯಾಗಿರುತ್ತೆ) ಮಿಶ್ರಣ ದಪ್ಪ ಗಾಗುತ್ತ ಬರುವವರೆಗೆ ಮಧ್ಯ ಮಧ್ಯ ಸಟ್ಟುಗದಿಂದ ಕೈಯಾಡಿಸಿ, ನೀರಲ್ಲಿ ಒದ್ದೆ ಮಾಡಿದ ಬೆರಳಿನಿಂದ ದಪ್ಪಗಾದ  ಮಿಶ್ರಣ ಮುಟ್ಟಿದರೆ,  ಅದು ಬೆರಳಿಗೆ ಅಂಟ  ಬಾರದು. ಆಗ ಮಣ್ಣಿ ರೆಡಿಯಾಗಿದೆ ಅಂತ ಲೆಕ್ಕ. ಏಲಕ್ಕಿ ಪುಡಿ ಬೆರೆಸಿ.  ತುಪ್ಪ ಸವರಿದ ತಾಟಿಗೆ ಹಾಕಿ. ಸ್ವಲ್ಪ ತಣ್ಣಗಾದ ಮೇಲೆ ಚಾಕಿವಿನಿಂದ ಮಾರ್ಕ್ ಮಾಡಿ, ಪೂರ್ತಿ ತಣ್ಣಗಾದ ಮೇಲೆ ಬಿಡಿಸಿ ಇಡಿ 

ವ್ಯಾನಿಲ್ಲ ಐಸ್ ಚ್ರೀಮ್ ಜತೆ ಚೆನ್ನಾಗಿರುತ್ತೆ. ಫ್ರಿಜ್ ನಲ್ಲಿಟ್ಟು ತಿನ್ನಲಿಕ್ಕೂ ಚೆನ್ನಾಗಿರುತ್ತೆ :-)

ಕೊಂಕಣಿಯಲ್ಲಿ ನಾವು ಇದಕ್ಕೆ ದುದ್ದಳಿ  ಅನ್ನುತ್ತೇವೆ.

ಇದೇ ರೀತಿ ಅರ್ಧ ಗೋದಿ ಹಿಟ್ಟು ಅರ್ಧ ರಾಗಿ ಹಿಟ್ಟು ಬಳಸಿ ಹಾಲುಬಾಯಿ ಮಾಡಬಹುದು. ಬೇಕಿದ್ದಲ್ಲಿ ತುಪ್ಪದಲ್ಲಿ ಹುರಿದ ಗೋಡಂಬಿ ಚೂರು ಬೆರೆಸ

 ಬಹುದು ಒಲೆಯಿಂದ ತೆಗೆಯುವ ಮುನ್ನ,

ಝಟ್ ಪಟ್ ಆಲೂ ಟಿಕ್ಕಿ

ಆಲೂ ಟಿಕ್ಕಿ 

ಬೇಕಾಗುವ ಸಾಮಾನು : ಬೇಯಿಸಿದ ಆಲೂಗಡ್ಡೆ. ಆಫಿಸ್ ಗೆ ಹೋಗುವವರು ಫ್ರಿಜ್ ಒಳ್ಳೆಯ ವರ್ಕಿಂಗ್ ಕಂಡಿಶನ್ ನಲ್ಲಿದ್ದರೆ ಮೊದಲೇ ಅಲ್ಲೂವನ್ನು ಬೇಯಿಸಿ ಇಡ ಬಹುದು. ನಾನು ಹೇಳಿ ಕೊಡುವ ಆಲೂ ಟಿಕ್ಕಿ  ತುಂಬಾ ಸಿಂಪಲ್ ಮತ್ತು ಹಬ್ಬ ಹರಿದಿನಗಳಿಗೂ  ಸೂಕ್ತ . 

ಹಾಗಾಗಿ ಬೇಯಿಸಿದ ಆಲೂಗಡ್ಡೆ ಹೇಗೂ ಇತ್ತು.  mash ಮಾಡಿದೆ. ಅರಸಿನ ಪುಡಿ, ಕೊತ್ತಂಬರಿ - ಜೀರಿಗೆ ಪುಡಿ, ಹಿಂಗು , ಉಪ್ಪು ಹಾಕಿ ಚೆನ್ನಾಗಿ ಮಿಕ್ಸ್ ಮಾಡಿ , ಬ್ರೆಡ್ ಕ್ರಂಬ್ಸ್ ನಲ್ಲಿ ಹೊರಳಾಡಿಸಿ, ಉಂಡೆ ಮಾಡಿ , ಚಪ್ಪಟೆ ಮಾಡಿ , ಕಾವಲಿ ಮೇಲೆ ಸ್ವಲ್ಪ ಎಣ್ಣೆ ಹಾಕಿ, shallow ಫ್ರೈ. ಮಾಡಿದೆ. 

ಪನೀರ್ ಅಚಾರಿ

ತುಂಬಾ ಅಂದ್ರೆ ತುಂಬಾsssssss ಸಿಂಪಲ್. ಅಂಗಡಿಯಿಂದ ಹಸಿರು ಮೆಣಸಿನ ಕಾಯಿಯ ಉಪ್ಪಿನಕಾಯಿ ತರೋದು. ಮೊಸರಿನ ಜತೆ ಈ ಉಪ್ಪಿನಕಾಯಿ ಬೆರೆಸೋದು. ಇದಕ್ಕೆ ಪನೀರ್ ನ ತುಂಡುಗಳನ್ನು ಬೆರೆಸಿ ಒಂದರ್ಧ ಗಂಟೆ ಪಕ್ಕಕ್ಕಿಡಿ. ಆಮೇಲೆ ಈ ತರಹ bamboo skewers ಗೆ ಚುಚ್ಚಿ. ಮಧ್ಯ ಮಧ್ಯ ಬೇಕಾದರೆ ದಪ್ಪ ಮೆಣಸಿನಕಾಯಿ ಪೀಸ್/ಟೊಮ್ಯಾಟೊ ಪೀಸ್ ಸೇರಿಸಬಹುದು.

ಕರಟಕ್ಕೆ ಬೆಂಕಿ ಹಚ್ಚಿ ನಾವು ಸಿಗಡಿಗೆ ಹಾಕಿ ಈ ತರಹ ಗ್ರಿಲ್ ಮಾಡ್ತೇವೆ. ನೀಟಾಗಿ skewers ಜೋಡಿಸಿ ಸಿಗಡಿ ಮೇಲೆ. ಎಲ್ಲ ಕಡೆ ಬೇಯುವಂತೆ ನಿಧಾನಕ್ಕೆ skewers ತಿರುಗಿಸುತ್ತಾ ಇರಿ.

ಮೊಸರನ್ನು ಕಟ್ಟಿಡಿ. ನೀರೆಲ್ಲ ಬಸಿದು ಹೋದ ಮೇಲೆ ಒಂದು ಹಸಿಮೆಣಸಿನ ಕಾಯಿ , ಕೆಲವು ಪುದಿನ, ಕೊತ್ತಂಬರಿ ಎಲೆಯೊಂದಿಗೆ ರುಬ್ಬಿ ಡಿಪ್ ತಯಾರಿಸಿ. ಬಿಸಿ ಬಿಸಿ ಪನೀರ್ ಅಚಾರಿ ಜತೆ ಸರ್ವ್ ಮಾಡಿ

ಎಂಜಾಯ್. ಈಗಂತೂ weather ಇಂತಹ ಸ್ನ್ಯಾಕ್ಸ್ ಮಾಡಿ ತಿನ್ನೋಕೆ ಪ್ರಶಸ್ತವಾಗಿದೆ.

:-)

Mango Candy/ aamsaT/ ಆಮ್ ಸಟ್

ಮಾವಿನ ಹಣ್ಣಿನ ತಿರುಳನ್ನು ತೆಗೆದು ಅದಕ್ಕೆ ಸಕ್ರೆ ಬೆರೆಸಿ ಮಿಕ್ಸಿಯಲ್ಲಿ ನುಣ್ಣಗೆ ರುಬ್ಬಿ. ಈ ಮಿಶ್ರಣವನ್ನು ದಪ್ಪ ತಳದ ಪಾತ್ರೆಗೆ ಹೊಯ್ದು ಆ ಪಾತ್ರೆಅಯ್ನ್ನು ಒಲೆಯ ಮೇಲಿಡಿ. ಮಿಶ್ರಣ ದಪ್ಪ ಆಗುತ್ತಾ ಬರುವಾಗ ಗ್ಯಾಸ್ ಮೇಲಿಂದ ಇಳಿಸಿ. ಸ್ವಲ್ಪ ತಣ್ಣಗಾದ ನಂತರ ಮಿಶ್ರಣವನ್ನು ಬಟ್ಟರ್ ಪೇಪರ್ ಮೇಲೆ ಹಾಕಿ ತೆಳ್ಳಗೆ ದೋಸೆ ಸೈಜ್ ನಲ್ಲಿ  ಸಟ್ಟುಗದಿಂದ spread ಮಾಡಿ. ಆ ಮೇಲೆ ಬಿಸಿಲಿಗೆ ಇಡಿ. ಪೂರ್ತಿ ಒಣಗಿ ಕೈ ಗೆ ತಾಗದೆ ಇದ್ದಾಗ ಅದನ್ನು ಬಟರ್ ಪೇಪರ್ ನಿಂದ ತೆಗೆದು, 

 ಚಿಕ್ಕ ಪೀಸ್ ಗಳನ್ನಾಗಿ ಕಟ್ ಮಾಡಿ ಗಾಳಿಯಾಡದ ಡಬ್ಬಿಯಲ್ಲಿ ಸ್ಟೋರ್ ಮಾಡಿ. 

value addition: ನಾನು ಇದಕ್ಕೆ ಜೀರಿಗೆ ಪುಡಿ ಅಥವಾ ಚಾಟ್ ಮಸಾಲಾ ಬೆರೆಸಿತೀನಿ ಕೆಲವೊಮ್ಮೆ. 

ಮಕ್ಕಳಿಗೆ ಇದು ಇಷ್ಟ ಆಗುತ್ತೆ. ಅದಲ್ಲದೆ ಸಮೋಸಾ ಗೆ ಸ್ವೀಟ್ ಚಟ್ನಿ ಕೂಡ ಇದರಿಂದ ಮಾಡ ಬಹುದು. 

ಎಷ್ಟು ಸುಲಭವಾಗಿದೆಯಲ್ಲವೇ?

ಆಮ್ ರಸ, ಆಮ್ರಖಂದ್, ಮಾವಿನ ಹಣ್ಣಿನ ರಸಾಯನ ಅದೆಲ್ಲ ಮಾಡಿ ಈಗ ಇದು ಟ್ರೈ ಮಾಡಿದೆ. 

ಪವರ್ ಪ್ಯಾಕ್ಡ ಪೊಂಗಲ್ (power packed pongal)

aka ಪಾಲಕ್  ಪೊಂಗಲ್

ಮೂರು ವರ್ಷದ ಹಿಂದೆ ಶ್ರೀಕಾಂತ ಗೆ ಆಫಿಸ್ ಕೆಲಸದ ಮೇಲೆ ಯೂರೊಪ್ ಗೆ ಹೋಗಲಿಕ್ಕಿತ್ತು. ಯೂರೊ ಡೊಲರ್ಸ್ ತೆಗೆದುಕೊಳ್ಳಲ್ಲು ರಿಚ್ ಮಂಡ್ ರೋಡ್ ಗೆ ಹೋಗಬೇಕಿತ್ತು. ಮತ್ತು ಅಲ್ಲಿಂದ ಪ್ರವಾಸಕ್ಕೆ ಬೇಕಾದ ಬಟ್ಟೆ ಬರೆಗಳನ್ನು ಕೊಳ್ಳಲು ಕಮರ್ಶಿಯಲ್ ಸ್ಟೀಟ್ ಗೆ ಹೋಗಲಿಕ್ಕೆದೆಯೆಂದು ನನಗೂ ಅವರ ಜತೆ ಬರಲು ಹೇಳಿದರು. ಆ ದಿನ ನಿಂಪಿ ಗೆ ರಜೆ. ಅವಳನ್ನೂ ಕರೆದುಕೊಂಡು ಹೋದೆವು. ರಿಚ್ ಮಂಡ್ ರೋಡ್ ಗೆ ಹೋಗಿ ಕ್ಯಾಶ್ ಕೊಟ್ಟು ಅದನ್ನು ಯೂರೊ ಡಾಲರ್ಸ್ ಗೆ ಬದಲಾಯಿಸಿ ( ಆ ಆಫಿಸ್ ತೆರೆಯುವುದೇ ಬೆಳಿಗ್ಗೆ 11.00 ಗಂಟೆಗೆ. ನಾವು ತಲುಪುವಾಗ 11.45. ಅಲ್ಲಿಯ ಫಾರ್ಮೆಲಿಟಿಸ್ ಮುಗಿಯ ಬೇಕಾದರೆ ಸುಮಾರು ಹೊತ್ತು ಕಳೆಯಿತು. ಹೊಟ್ಟೆ ತಾಳಹಾಕಲಾರಂಭಿಸಿತು. ಶ್ರೀಕಾಂತ ನಮ್ಮನ್ನು ಅಲ್ಲಿಯೆ ಬಳಿ ಯಿದ್ದ ವುಡ್ ಲ್ಯಾಂಡ್ಸ್ ಹೋಟಲ್ ಗೆ ಕರೆದುಕೊಂಡು ಹೋದರು. ಅಲ್ಲಿ ಮೊದಲ ಬಾರಿಗೆ ಸವಿದಿದ್ದು ಪಾಲಕ್ ಪೊಂಗಲ್. ನನಗಂತೂ ತುಂಬಾ ಇಷ್ಟ ಆಗಿ ಈಗ ನನ್ನದೇ ವರ್ಶನ್ ಗಳಲ್ಲಿ ಇದನ್ನು ಮಾಡುತ್ತೇನೆ.

ಬೇಕಾಗುವ ಸಾಮಾನು:

ಜವೆ ಗೋದಿ ಸದಕು (ಬ್ರೊಕನ್ ವ್ಹೀಟ್), ಹಸಿರು ಬೇಳೆ ಸಮ ಪ್ರಮಾಣದಲ್ಲಿ

ಮೊದಲಿಗೆ ನಾನು ಹೆಸರು ಬೇಳೆಯನ್ನು ಸ್ವಲ್ಪ ಹುರಿದುಕೊಳ್ಳುತ್ತೇನೆ.ತಣ್ಣಗಾದ ನಂತರ ಜವೆ ಗೋದಿಯೊಂದಿಗೆ ಮಿಕ್ಸ್ ಮಾಡಿ ಚೆನ್ನಾಗಿ ತೊಳೆದು ಮೂರು ಪಟ್ಟು ನೀರು ಹಾಕಿ ಬೇಯಿಸಬೇಕು.

ಪಾಲಕ್ ಸೊಪ್ಪು ಚೆನ್ನಾಗಿ ತೊಳೆದು ಎರಡು ನಿಮಿಷ ಬಿಸಿ ನೀರಿನಲ್ಲಿ ಹಾಕಿ, ಅದರಿಂದ್ದ ತೆಗೆದು ತಣ್ಣೀರಿನಲ್ಲಿ ಹಾಕಿಡಿ. ಆ ಮೇಲೆ ಮಿಕ್ಸಿಯಲ್ಲಿ ರುಬ್ಬಿ ಪಕ್ಕಕ್ಕಿಡಿ.

ನೀರುಳ್ಳಿ ಚಿಕ್ಕದಾಗಿ ಕತ್ತರಿಸಿಟ್ಟುಕೊಳ್ಳಿ (optional), ಸ್ವಲ್ಪ ಹಸಿ ಶುಂಠಿಯನ್ನು ಚಿಕ್ಕದಾಗಿ ಕತ್ತರಿಸಿಟ್ಟುಕೊಳ್ಳಿ.

ಸ್ವಲ್ಪ ಎಣ್ಣೆ/ತುಪ್ಪ ಬಿಸಿ ಮಾಡಿ. ಇದಕ್ಕೆ ಜೀರಿಗೆ, ಕರಿಬೇವು, ಇಡೀ ಕರಿ ಮೆಣಸು ಒಗ್ಗರಣೆಗೆ ಇಡಿ. ಇದಕ್ಕೆ ನೀರುಳ್ಳಿ ಬೆರೆಸಿ ಕೆಂಪಗಾಗುವ ತನಕ ಹುರಿಯಿರಿ, ನಂತರ ಶುಂಠಿ ಚೂರು ಹಾಕಿ. ಸ್ವಲ್ಪ ಅರಿಶಿನ ಪುಡಿ ಬೆರೆಸಿ. ರುಬ್ಬಿಟ್ಟ ಪಾಲಕ್ ಸೊಪ್ಪು ಬೆರೆಸಿ ಎರಡು ನಿಮಿಷ ಕೈಯಾಡಿಸಿ. ಸ್ವಲ್ಪ ನೀರು ಬೆರೆಸಿ. ಇದಕ್ಕೆ ಬೇಯಿಸಿಟ್ಟ ಗೋದಿ+ಹಸಿರುಬೆಳೆ ಹಾಕಿ. ಉಪ್ಪು ಚೂರು ಬೆಲ್ಲ ಬೆರೆಸಿ ಬೇಕಾದಷ್ಟು ನೀರು ಹಾಕಿ ಒಂದು ಕುದಿ ಬಂದ ನಂತರ ಕೆಳಗಿಳಿಸಿ. ಇದಕ್ಕೆ ಕಾಯಿ ಚಟ್ನಿ ಅಥವಾ ಟ್ಯೋಮೇಟೋ ನೀರುಳ್ಳಿ+ಮೊಸರು ಸ್ಯಾಲಾಡ್ ಜತೆ ಸೆರ್ವ್ ಮಾಡಿ.

ಇರಲಿ ಅಂತ ಪ್ಲೈನ್ ಪೊಂಗಲ್ ಕೂಡ ಮಾಡಿದೆ. ಈ ಚಳಿಯಲ್ಲಿ (ಇಲ್ಲಿ ಮಳೆ ಬಂದು ಮತ್ತು ನಮ್ಮ ಓಪನ್ ಬಾಲ್ಕನಿಯಿಂದಾಗಿ ಮನೆಯಲ್ಲಿ ತುಂಬಾ ತಂಪಾಗಿದೆ) ಬಿಸಿ ಬಿಸಿ ಪೊಂಗಲ್ ಎಶ್ಟು ಬೇಗ ಖಾಲಿಯಾಯ್ತು ಗೊತ್ತಾ??!! :-)

ಬೇಗ ಹಸಿವೆ ಆಗಲ್ಲ. ಮತ್ತು ಇಡೀ ದಿನ್ active ಆಗಿರುತ್ತೆ ದೇಹ/ಮನಸ್ಸು. ಶುಗರ್ complaint ಇರುವವರಿಗೆ ಇದು ಉಪಯುಕ್ತ. 

ಎಂಜಾಯ್

Biscoot Factory

Biscoot Factory ನನ್ನ ಮಗಳು ಮಾಲವಿಕಾಳ ಹೊಸ venture. 

Potato gojju/ ಬಟಾಟೆ ಗೊಜ್ಜು

ಇಲ್ಲಿದೆ ಆಲೂಗಡ್ಡೆ/ ಬಟಾಟೆ ಗೊಜ್ಜು ಮಾಡುವ ವಿಧಾನ:
http://malathisanchiyinda.blogspot.in/2014/05/blog-post.html

Tender Coconut Soup

you need 2 tender coconuts, vegetables of your choice- cut into tiny pieces, ground pepper, a tea spoon of cornflour, salt

separate the flesh from tender coconut water. i have used carrots, beans, Indian Spinach (basaLe), capsicum. cut a medium sized onion into tiny pieces( or you can grate them). heat oil. add the cut onions fry them until light brown, add the vegetables  and toss them for a minute on high heat. add salt. add the tender coconut water. add cornflour. when the soup begins to thicken remove from fire. Sprinkle ground pepper and top up with pieces of the tender coconut flesh and serve hot either in tender coconut shell as shown in the picture or a bowl :-)

Children will surely enjoy this soup since it has a sweetish tang.

Today happens to be World Book day. The book in the picture is 'Maps for Lost lovers' by Nadeem Aslam. One of the best books i have read in recent times. Reads more like a poem than fiction.

This  post is from my new laptop. i have yet to purchase baraha. hence this post is in English, Sorry
:-) (am not really sorry....)

If you have other versions of this soup do share.

ಒಂದು ವಿಚಿತ್ರ ಕಾಯಿಲೆ ಮತ್ತು ಅಪ್ಪ/ಅಪ್ಪಂ/ಪಡ್ಡು/ಗುಳಿಯಪ್ಪ

ನಮ್ಮ ಪರಿಚಯದವರೊಬ್ಬರಿದ್ದಾರೆ.  ಭಾರತದವರೇ. ಆದರೆ ಕೆಲವು ವರ್ಷಗಳು ಹೊರ ದೇಶದಲ್ಲಿದ್ದು ಬಂದವರು. ಭಾರತಕ್ಕೆ ತೆರಳಿದ ನಂತರ ಅವರಿಗೆ ಆವಾಗಾವಾಗ ಮೈ ಒಳಗೆ ತುರಿಕೆ- ಒಳಗೆ ಅಂದ್ರೆ ದೇಹದ ಒಳಗೆ such that he cannot pinpoint where to scratch, ನಾಲಿಗೆಗೆ ಹುಣ್ಣು, ವಾಂತಿ ಮಾಡಿದರೆ ಅದರಲ್ಲಿ ರಕ್ತದ ಕಣ. ಹಲವಾರು ಪರೀಕ್ಷೆಗೆ ಒಡ್ಡಿದ ನಂತರ ಕಂಡು ಬಂದಿದ್ದು ಅವರಿಗಿದ್ದದ್ದು ಅನ್ನದ (Rice starch) ಎಲರ್ಜಿ. ಎಲ್ಲಾದರೂ ಕೇಳಿದಿರಾ? ನಾನು ಲ್ಯಾಕ್ಟೇಸ್ intolerance, ಕೆಲವು nuts, ಅಪರೂಪಕ್ಕೆ ಕೆಲವು ಹಣ್ಣುಗಳನ್ನು ತಿಂದರೆ ಎಲರ್ಜಿ ಆಗುವುದು ಕೇಳಿದ್ದೆ/ನೋಡಿದ್ದೇನೆ. ಇದು ನನಗೆ ಆಶ್ಚರ್ಯ ಏನಿಸಿದ್ದು also ಯಾಕಂದರೆ ಅವರು ಬಂಗಾಲಿಗಳು. ಅನ್ನ ಅಂದರೆ ಪ್ರಾಣ. 

ದಿನಾ ರವೆ ಉಪ್ಪಿಟ್ಟು, ರವೆ ಇಡ್ಲಿ, ಪೂರಿ, ತಿಂದು ಬೇಜಾರಾಗಿರಬೇಕು ಅವರಿಗೆ. ಮಧ್ಯಾಹ್ನ ಅವರು ರಾಗಿ ಮುದ್ದೆ ತಿನ್ನುತ್ತಾರೆ ಮಾತ್ರವಲ್ಲ ಹಿ ಎಂಜಾಯ್ಸ್ ಇಟ್. ಹಾಗೆ ಒಂದು ದಿನ ನಮ್ಮನೆಗೆ ಅವರಿಗೆ ಬ್ರೇಕ್ಫಾಸ್ಟ್ ಗೆ ಕರೆದಿದ್ದೆವು. ಹೊಸದಾಗಿ ಏನಾದರೂ ಮಾಡಿ ಬಡಿಸಬೇಕೆಂದು ನನಗೆ ಆಸೆ ಏನೋ ಆಯಿತು, ಆದರೆ ನನಗೆ ಗೊತ್ತಾದದ್ದು ಸುಮಾರು ರಾತ್ರಿ ಲೇಟಾಗಿ. ಆಗ ಥಟ್ ಅಂತ ಹೊಳೆದದ್ದು ಈ ತಿಂಡಿ ಅಪ್ಪ (ಕೊಂಕಣಿಯಲ್ಲಿ)/ಪಡ್ಡು/ಗುಳಿಯಪ್ಪ etc (ಕನ್ನಡದಲ್ಲಿ)

ಒಂದು ಗ್ಲಾಸ್ ಉದ್ದು, ಒಂದುವರೆ ಗ್ಲಾಸ್ ಹೆಸರು ಬೇಳೆ. ಒಂದೆರಡು ತಾಸು ನೆನೆದರೆ ಸಾಕು.ರಾತ್ರಿ ನೆನೆಹಾಕಿದರೂ ನೋ ಪ್ರಾಬ್ಲಮ್. ಬೆಳಿಗ್ಗೆ ಚೆನ್ನಾಗಿ ತೊಳೆದು ಗ್ರೈಂಡರ್ ನಲ್ಲಿ ಹಾಕಿ ವಿಥ್ ಹಸಿಮೆಣಸಿನಕಾಯಿ ಮತ್ತು ಶುಂಠಿ. ಹಿಟ್ಟು ಒಳ್ಳೆ ಬುರುಗು ಬುರುಗು ಆಗುತ್ತೆ. 

ಅತೀ ಕಡಿಮೆ ನೀರು ಬೆರೆಸಿ ಇಲ್ಲದಿದ್ದಲ್ಲಿ ಅಪ್ಪ ಕಾವಲಿಯಿಂದ ಜಪ್ಪಯ್ಯ ಅಂದ್ರೂ ಹೊರಗೆ ಬರಲ್ಲ :-). ಹಿಟ್ಟನ್ನು ಗ್ರ್ರೈಂಡರ್ ನಿಂದ ತೆಗೆದು ಪಾತ್ರೆಗೆ ಹಾಕಿಕೊಳ್ಳಿ. ಇದಕ್ಕೆರುಚಿಗೆ ತಕ್ಕಷ್ಟು ಉಪ್ಪು, ಸಣ್ಣಕ್ಕೆ ಕತ್ತರಿಸಿದ ಕೊತ್ತಂಬರಿ ಸೊಪ್ಪು ಬೆರೆಸಿ. ಅಪ್ಪ ಕಾವಲಿಯಲ್ಲಿ ಎಣ್ಣೆ ಹಾಕಿ ಬಿಸಿ ಬಿಸಿ ಬಿಸಿ ಅಪ್ಪ/ಪಡ್ಡು ಮಾಡಿ ತಿನ್ನಿ ವಿತ್ ಹಿಂಗಿನ ಚಟ್ನಿ ಮತ್ತು ಫ್ರೆಶ್ ಬೆಣ್ಣೆ. ಒಳ್ಳೆ ಬಂಗಾರ ಬಣ್ಣದ ಈ ಅಪ್ಪ/ಪಡ್ಡು ಉದ್ದಿನವಡೆ ತರ ಗರಿಗರಿಯಾಗಿರುತ್ತೆ. ನಮ್ಮ ಮನೆಯಲ್ಲಿ ಎಲ್ಲರ ಫೇವರಿಟ್ 

:-)

Stuffed Capsicum: ಸ್ಟಫ್ಡ್ ದೊಣ್ಣಮೆಣಸು/ದಪ್ಪ ಮೆಣಸು/ಕ್ಯಾಪ್ಸಿಕಮ್

ಈ ದಪ್ಪಮೆಣಸನ್ನು ರಾಯರು ದಾರವಾಡದಿಂದ ತರುತ್ತಾರೆ.

ಸ್ತಫ್ಡ್ ಕ್ಯಾಪ್ಸಿಕಮ್ ಗೆ ಬೇಕಾಗುವ ಸಾಮಾನು:

ತೆಂಗಿನಕಾಯಿ ತುರಿ, ಹುರಿದ ಕೆಂಪು ಮೆಣಸು, ಹುಣಸೆಹುಳಿ, ೧/೨ ಟೀ ಸ್ಪೂನ್ ಉದ್ದಿನಬೇಳೆ, ೧ ಟೀ ಸ್ಪೂನ್ ಕೊತ್ತಂಬರಿ, ಸ್ವಲ್ಪ ನೀರುಳ್ಳಿ ಕೊಚ್ಚಲು, ಉಪ್ಪು, ಬೆಲ್ಲ, ಎಣ್ಣೆ.

ಮೊದಲಿಗೆ ಉದ್ದಿನಬೇಳೆ ಮತ್ತು ಕೊತ್ತಂಬರಿಯನ್ನು ೧ ಟೀ ಸ್ಪೂನ್ ಎಣ್ಣೆಯಲ್ಲಿ ಕ್ರಮವಾಗಿ ಹಾಕಿ ಸ್ವಲ್ಪ ಕೆಂಪನೆ ಬಣ್ಣ ಬರುವ ತನಕ ಹುರಿಯಿರಿ. ತಣ್ಣಗಾದ ಮೇಲೆ ಉಳಿದ ಸಾಮಾನಿನ ಜತೆ ಬೇಕಾದಷ್ಟೆ ನೀರು ಹಾಕಿ ತರಿಯಾಗಿ ರುಬ್ಬಿ. ಇದಕ್ಕೆ ಸಣ್ಣಕ್ಕೆ ಕತ್ತರಿಸಿದ ನೀರುಳ್ಳಿ ಬೆರೆಸಿ. ಉಪ್ಪು ಚೂರು ಬೆಲ್ಲ ಹಾಕಿ ಸರಿಯಾಗಿ ಮಿಕ್ಸ್ ಮಾಡಿಡಿ. 

ದಪ್ಪ ಮೆಣಸನ್ನು ಈ ರೀತಿ ಕಟ್ ಮಾಡಿ.ದಂಟಿನ ಸ್ವಲ್ಪ ಕೆಳಗೆ ಉರುಟಾಗಿ ಕಟ್ ಮಾಡಿ ಮುಚ್ಚಳದ ತರಹ. ಒಳಗಡೆ ತುಂಬಾ ಬೀಜ ಇದ್ದರೆ ಅದನ್ನು ಸ್ಪೂನ್ ನಿಂದ ಕೆರೆದು ತೆಗೆದು ಬಿಡಿ. ಧಾರವಾಡದ ಈ ಮೆಣಸು ತುಂಬಾ ಖಾರವಾಗಿರುತ್ತೆ. 

ಆಮೇಲೆ ಸ್ಟಫಿಂಗ್ ಅನ್ನು ತುಂಬಿ. ಮೈಕ್ರ‍ೊವೇವ್ ಸೇಫ್ ಪಾತ್ರೆಯ ತಳದಲ್ಲಿ ಸ್ವಲ್ಪ ಎಣ್ಣೆ ಹರಡಿ. ಇದರ ಮೇಲೆ ಸ್ತಫ್ ಮಾಡಿದ ಕ್ಯಾಪ್ಸಿಕಮ್ ನೀಟಾಗಿ ಚಿತ್ರದಲ್ಲಿರುವಂತೆ ಜೋಡಿಸಿ.

ಸ್ವಲ್ಪ ನೀರು ಚಿಮುಕಿಸಿ.  ಮುಚ್ಚಳ ಹಾಕಿ quick start menu ನಲ್ಲಿ ಹತ್ತು ನಿಮಿಷ ಬೇಯಿಸಿ

ಅನ್ನ ಸಾರು, ಅಥವಾ ಚಪಾತಿ ಜತೆ ಚೆನ್ನಾಗಿರುತ್ತೆ.

:-)

ನಾನ್ ಕತಾಯ್ / ನಾರಯಣ ಕಟಾರ್/ನಾನ್ ಕಟಾಯ್

ಮಾಡುವ ಬಗೆ ನನ್ನ ಇನ್ನೊಂದು ಬ್ಲಾಗ್ ನಲ್ಲಿ. ಕೆಳಗಿನ ಕೊಂಡಿ ಕ್ಲಿಕ್ ಮಾಡಿ

ನಾನ್ ಕತಾಯ್

ಮೈಕ್ರೋವೇವ್ ನಲ್ಲಿ ಈ ಬಾರಿ ಅಗಸೆ ಚಟ್ನಿ ಪುಡಿ

ಅಗಸೆ ಮೆಮರಿ ಪವರ್ ಗೆ ಒಳ್ಳೆದು ಅಂತ ಹೇಳುತ್ತಾರೆ ಹಾಗೂ ಪೈಲ್ಸ್ ಗೆ ಒಳ್ಳೆಯ ಔಷಧಿ ಕೂಡ. ನಾನಂತು ಅಗಸೆ ಚಟ್ನಿ ಪುಡಿಯ ಟೇಸ್ಟ್ ಇಷ್ಟ ಅಂತ ತಿನ್ನುತ್ತೇನೆ. ಚಪಾತಿ ಜೋಳದ, ಸಜ್ಜೆ ರೊಟ್ಟಿ ಜತೆ ಒಳ್ಳೆಯ ಸಾಥ್. ನಮ್ಮ ರಾಯರಿಗೆ ಕಟಕ್/ಕಡಕ್ ರೊಟ್ಟಿ ಜತೆ ಈ ಚಟ್ನಿ ಪುಡಿ ಇಷ್ಟ. ಅದಕ್ಕೊಂದಿಷ್ಟು ದಪ್ಪ ಮೊಸರು, ಸೈಡ್ ಗೆ ಸಲಾಡ್ ನೀರುಳ್ಳಿ ಇದ್ದರೆ ಆಯ್ತು. ಅವರು ಆಫಿಸ್ ನಲ್ಲಿ ಕಟಕ್ ರೊಟ್ಟಿ ತಂದಿಟ್ಟುಕೋತಾರೆ. ಮನೆಯಿಂದ ಡಬ್ಬಿಯಲ್ಲಿ ಪಲ್ಲ್ಯ, ಚಟ್ನಿ ಪುಡಿ ಹಾಕಿಕೊಂಡು ಹೋಗಿ ಅಲ್ಲಿ ಉಣ್ಣುತ್ತಾರೆ :-) :-)

ನನ್ನ ಲಕ್. ನನಗೆ exhibition ನಲ್ಲಿ ಅರಳಿಸಿದ (pre-puffed) ಅಗಸೆ ಸಿಕ್ಕಿದೆ.ಒಂದು ಹಿಡಿ ಅಗಸೆ ಜತೆ ನಾನು 8-10 ಬೆಳ್ಳುಳ್ಳಿ, ಸ್ವಲ್ಪ ಬ್ಯಾಡಗಿ ಮೆಣಸಿನ ಪುಡಿ, ಉಪ್ಪು, ಚಿಟಿಕೆ ಸಕ್ಕರೆ,ಚಿಟಿಕೆ ಅರಸಿನ ಪುಡಿ ಒಂದು ಹನಿ ಶೆಂಗಾ ಎಣ್ಣೆ, ಚೂರೇ ಚೂರು ಹುಣಸೆ ಹುಳಿ ,ಇವನ್ನೆಲ್ಲ ಚೆನ್ನಾಗಿ ಮಿಕ್ಸ್ ಮಾಡಿ ಮೈಕ್ರೋವೇವ್ quick start menu ನಲ್ಲಿ 30 ಸೆಕಂಡ್ ಬಿಸಿ ಮಾಡಿದೆ. ತಣ್ಣಗಾದ ನಂತರ ಮಿಕ್ಸಿಯಲ್ಲಿ ಪುಡಿ ಮಾಡಿಕೊಂಡೆ. ಐದು ದಿನಕ್ಕಾಗುವಷ್ಟೆ ನಾನು ಮಾಡಿಡುವುದು. 

ಬೆಣ್ಣೆ ಜತೆ ಅಗಸೆ ಚಟ್ನಿ ಪುಡಿ & ಜೋಳದ ರೊಟ್ಟಿ

:-)

ಖಾಕ್ರಾ ಚಾಟ್- ವಾರ್ಯಾಂತ್ಯದ ಇಂಟರೆಸ್ಟಿಂಗ್ ಸ್ನ್ಯಾಕ್

fireless cooking ಅಂತಲೂ ಹೇಳಬಹುದು ಯಾಕಂದರೆ ಖಾಕ್ರಾ ಆಲ್ಮೋಸ್ಟ್ ಎಲ್ಲ ಸೂಪರ್ ಸ್ಟೋರ್ಸ್/ಬೇಕರಿ ಗಳಲ್ಲಿ ಲಭ್ಯ.
ಬೇಕಾಗಿರುವುದು:
ಎರಡು ಖಾಕ್ರಾ, ನೀರುಳ್ಳಿ, ಟೊಮ್ಯಾಟೊ, ಕೊತ್ತಂಬರಿಸೊಪ್ಪು, ಬೆಲ್ಲದಪುಡಿ/ಸಕ್ಕರೆಪುಡಿ/date syrup, ಚಾಟ್ ಮಸಾಲಾ
ಖಾಕ್ರಾ ಪುಡಿ ಮಾಡಿ. ಅದಕ್ಕೆ ಸಣ್ಣಕ್ಕೆ ಕತ್ತರಿಸಿದ ನೀರುಳ್ಳಿ, ಟೊಮೆಟೊ, ಕೊತ್ತಂಬರಿ ಸೊಪ್ಪು, ಬೆಲ್ಲದ ಹುಡಿ ಅಥವಾ ಅದರ substitue ಮತ್ತು ಚಾಟ್ ಮಸಾಲಾ ಬೆರೆಸಿ. ಅಷ್ಟೆ. ಉಪ್ಪು ಸೇರಿಸಬೇಡಿ.
ರೆಡಿ ಮಾಡಿಟ್ಟಿಕೊಂಡ್ರೆ ನಿಮ್ಮ ಫೆವರಿಟ್ ಸಿನಿಮಾ ನೋಡ್ತಾ ತಿನ್ನಬಹುದು. ಇನ್ನು ಸ್ವಲ್ಪ ದಿನಕ್ಕೆ ಮಕ್ಕಳ ಬೇಸಿಗೆ ರಜೆ ಶುರು ಆಗುತ್ತೆ. ಅವರು ಸಂಜೆ ಆಟ ಆಡಿ ಬಂದು ಅಮ್ಮ ಹಸಿವೆ ಅಂದಾಗ
ಮ್ಯಾಗಿ 2 ಮಿನಿಟ್ಸ್ ಬದಲು
 ಇದೇ ಟೇಸ್ಟಿ, ಇದೇ ಮೇಲು.
ನೋಡಿ ಹೇಗೆ rhyme ಕೂಡ ಆಗುತ್ತೆ. :-)

ಸಪೂರ ಶೇವ್/ಓಂ ಪುಡಿ ಇದ್ದಲ್ಲಿ ಅದನ್ನೂ ಸೇರಿಸಬಹುದು. 

ಎಂಜಾಯ್ :-)

(ಬಾಲ್ಕನಿಯಲ್ಲಿ ಮಾಡಿದ) ತಂಡೂರಿ ಪನೀರ್ ಕುಲ್ಚಾ

:-) ಅಂತೂ ಇಂತೂ ನಮ್ಮ ಸ್ವಂತ ಮನೆಗೆ ಬಂದಾಯ್ತು. ಇಂಟರ್ ನೆಟ್ ಕೂಡ ಕನೆಕ್ಟ್ ಆಯ್ತು. ಬಾಲಕ್ನಿಯಿಂದ ನೋಡುತ್ತಾ ಸಮಯ ಉಳಿದರೆ ಬ್ಲಾಗಿಂಗ್. ನಿನ್ನೆ ರಾತ್ರಿ ನಾವು ಬಾಲ್ಕನಿಯಲ್ಲಿ ತಂಡೂರ್ ಮಾಡಿ ಪನೀರ್ ಕುಲ್ಚಾ ಮಾಡಿದೆವು

ಬೇಕಾಗುವ ಪದಾರ್ಥ: ಮೈದಾ, ಅಡುಗೆ ಸೋಡಾ, ಮೊಸರು ಸ್ವಲ್ಪ ಬಿಸಿ ಹಾಲು, ಪನೀರ್, ಹಸಿಮೆಣಸಿನಕಾಯಿ, ಕೊತ್ತಂಬರಿ ಸೊಪ್ಪು, ಖಾರದ ಪುಡಿ, ಉಪ್ಪು, ಚಾಟ್ ಮಸಾಲಾ

ಮೈದಾ ಹಿಟ್ಟನ್ನು ಮಧ್ಯಾಹ್ನ ಕಲಸಿ ಇಟ್ಟೆವು. (ಮಾಡಿದೆವು, ಇಟ್ಟೆವು = ನಾನು + ಮಗಳು ಮಾಲವಿಕಾ ಜಂಟಿ operationಉ :-)) ಮೈದಾ ಹಿಟ್ಟಿಗೆ, 2 ಟೇ ಸ್ಪೂನ್ ಅಡುಗೆ ಸೋಡಾ,ಉಪ್ಪು ಅರ್ಧ ಗ್ಲಾಸ್ ಮೊಸರು ಮಿಕ್ಸ್ ಮಾಡಿಕೊಳ್ಳಿ. ಉಗುರು ಬೆಚ್ಚನೆಯ ನೀರಿನಿಂದ ಸ್ವಲ್ಪ ಮೆತ್ತನೆಯ dough ತಾಯಾರಿಸಿಕೊಳ್ಳಿ. ಸಂಜೆ ಆಗುವಷ್ಟರಲ್ಲಿ ಅದು ಎರಡು ಪಟ್ಟು ಉಬ್ಬ್ಬಿರುತ್ತೆ.

ಕುಲ್ಚಾ ತಯಾರಿಸುವ ಅರ್ಧ ಗಂಟೆ ಮುಂಚೆ  ಪನೀರ್ ಫ್ರಿಡ್ಜ್ ನಿಂದ ತೆಗೆದು ತುರಿದಿಟ್ಟುಕೊಳ್ಳಿ. ಇದಕ್ಕೆ ಸಣ್ನಕ್ಕೆ ಕತ್ತರಿಸಿದ ಹಸಿಮೆಣಸಿನಕಾಯಿ, ಕೊತ್ತಂಬರಿಸೊಪ್ಪು,ಸಣ್ಣಕ್ಕೆ ತುರಿದಿಟ್ಟ ಬೆಳ್ಳುಳ್ಳಿ, ಶುಂಠಿ, ಉಪ್ಪು, ಚಾಟ್ ಮಸಲಾ ಮಿಕ್ಸ್ ಮಾಡಿ.

ನಂತರ ಮೈದಾ ಹಿಟ್ಟಿನ ಉರುಟು ಮಾಡಿಕೊಳ್ಳಿ. ಅದನ್ನು ಸಣ್ಣಕ್ಕೆ ಲಟ್ಟಿಸಿ ಅದರಲ್ಲಿ ಪನೀರ್ ನ ಸ್ಟಂಫಿಂಗ್ ಇಡಿ. ಈ ರೀತಿ ಮಾಡಿಟ್ಟು ಒಂದೈದು ನಿಮಿಷ ಹಾಗೇ ಇಟ್ಟು ಬಿಡಿ.

ಈಗ ತೆಂಗಿನ ಕರಟನ್ನು ಗ್ಯಾಸ್ ಸ್ಟವ್ ಮೇಲಿಟ್ಟು ಬೆಂಕಿ ತಾಗುವ ತನಕ ಇಡಿ. ಇದನ್ನು ಶೆಗಡಿಗೆ ವರ್ಗಾಯಿಸಿ ಮೂರು ನಾಲ್ಕು ಕರಟ ಇಟ್ಟು ಬೆಂಕಿ ತಾಗಿ ಸ್ವಲ್ಪ ಹೊತ್ತಿನಲ್ಲಿ ಅದು embers ಆಗಿ ಬಿಡುತ್ತೆ. 

ಅದರ ಮೇಲೆ ಈ ತರಹದ ಒಂದು ಸ್ಟ್ಯಾಂಡ್ ಸಿಗುತ್ತೆ. ನಾನು ಇದನ್ನು ಮಲ್ಲೇಶ್ವರಂ ನಲ್ಲಿ ತೆಗೊಂಡಿದ್ದು. ಶಿಗಡಿ ಮೇಲಿಡಿ. 

ಒಂದೊಂದೆ ಕುಲ್ಚಾ ಲಟ್ಟಿಸಿ ಇದರ ಮೇಲಿಡಿ ಎರಡು ಬದಿ ಕೆಂಪಗಾಗುವ ತನಕ ಬೇಯಿಸಿ. 

ತಾಜಾ ಮೊಸರು, ಲಿಂಬೆ ಹಣ್ಣಿನ ಉಪ್ಪಿನಕಾಯಿಯೊಂದಿಗೆ ಸರ್ವ್ ಮಾಡಿ. ನಮ್ಮ ಮನೆಯಲ್ಲಿ ಇದನ್ನು ಸ್ಟಫ್ಡ್ ಬದನೆಕಾಯಿ ಜತೆ ಸರ್ವ್ ಮಾಡಿದ್ದು,

ತುಂಬಾ ಎಂಜಾಯ್ ಮಾಡಿದ್ವಿ, ಯು ಎಸ್, ಮುಂಬೈ. ಬೆಳಗಾವಿ ಯಲ್ಲಿರುವ ತಂಗಿ ತಮ್ಮಂದಿರಿಗೆಲ್ಲ ವಾಟ್ಸ್ಯಾಪ್ ನಲ್ಲಿ ಫೋಟೊ ತೆಗೆದು ಕಳಿಸಿ ಹೊಟ್ಟೆ’ಕಿಚ್ಚಾ’ಗುವಂತೆ ಮಾಡಿದೆ.

ಶೆಗಡಿಯಿಲ್ಲದಿದ್ದಲ್ಲಿ ಮಾಮೂಲಿ ತವಾ ಮೇಲೆ ಚಪಾತಿಯಂತೆ ಬೇಯಿಸಬಹುದು.

:-)